OneVoice27

OneVoice27 ni gahunda y'Itorero ry'Abadiventisiti b'Umunsi wa Karindwi ku isi yose igamije kwamamaza Kristo mu mahanga yose hakoreshejwe uburyo bwose bushoboka. Muri Nzeri 2027, imyaka 2.000 nyuma y'umubatizo wa Yesu n'itangira ry'umurimo We, Itorero ryo ku isi yose rizavugira hamwe mu ijwi rimwe ku byerekeye Umukiza. Rwanda Union Mission irahamagarira buri mwizera, buri torero na buri kigo mu Rwanda kuyigiramo uruhare.

OneVoice27 ni iki?

• Igikorwa cyo ku isi yose kizaba muri Nzeri 2027, gikoresha itangazamakuru ry'ubwoko bwose, uhereye ku bitangazamakuru by'itorero kugeza ku mbuga z'abizera ubwabo.
• Ubutumwa bushingiye kuri Kristo, bwizihiza imyaka 2.000 ishize Yesu abatijwe agatangira umurimo We.
• Urugendo rwo guhagurutsa umuryango wose w'itorero, ruzasozwa n'ibiterane by'isarura bijyanye na buri karere k'isi.

Uko Itorero ryitegura

Itorero ryo ku isi yose riritegura binyuze muri:

• Gahunda y'amasengesho yo ku isi yose.
• Gusoma no gutekereza ku buzima bwa Kristo mu gitabo Uwifuzwa Ibihe Byose (The Desire of Ages).
• Kwiga ibitabo by'ubuhanuzi bya Daniyeli n'Ibyahishuwe.

Uko wagira uruhare

Itegure ku giti cyawe

Ifatanye muri gahunda y'amasengesho, usome Uwifuzwa Ibihe Byose kandi wige Daniyeli n'Ibyahishuwe, uri wenyine, uri kumwe n'umuryango wawe cyangwa n'ishuri ryawe ryo ku Isabato.

Tegura itorero ryawe

Kuramo imfashanyigisho za All Things New, indirimbo y'insanganyamatsiko, amashusho, inyandiko n'ibishushanyo kugira ngo mubikoreshe mu itorero ryanyu no mu baturage.

Dusangire twese hamwe

Shyira urumuri rwawe ku ikarita y'isi ya OneVoice27 uri umuntu ku giti cye cyangwa uri itsinda, kandi ukoreshe uburyo bwose ufite mu kwamamaza Kristo: telefoni yawe, imbuga nkoranyambaga, radiyo n'aho utuye.

Ibyigisho

Imfashanyigisho ziri ku rubuga rwa OneVoice27 ziboneka mu Cyongereza, Igifaransa, Icyesipanyolo n'Igiporutugali.

Twese hamwe, mu ijwi rimwe: tumurikire u Rwanda kubwa Kristo.